Theoretical Criticism and Schools of Thought (PUNJ-6106)

دنیا دا کوئی وی ادب تنقید توں بغیر اگے نہیں ودھ سکدا۔ تنقید ادب وچ نویاں راہواں کھولدی اے تے نویں امکاناں دی گل ٹردی اے۔کوئی اک لکھاری یاں شاعر عقلِ کُل نہیں ہو سکدا۔ اوہ پڑھنہاراں لئی لکھدا اے تے اگوں پڑھنہار اپنی مرضی دے معنے اوس لکھت وچوں کڈھ لیندے نیں۔ ادب دا حسن ایہو ای کہ ایہہ ہر اک نوں اپنے دل دی گل لگدی اے۔ تنقید نگار دا کم لکھت وچوں اجیہےڈونگھے معنی کڈھ کے پڑھنہاراں نال سانجھے کرنا ہوندا اے جیہنا ں دی ہر پڑھنہار نوں سار نہیں ہوندی۔ ہم خیال تنقید نگار جدوں کسے اک گل تے متفق ہوندے نیں تا ں اک گروہ بندا اے جس نوں ادبی دنیا وچ دبستان آکھیا جاندا اے۔ ایس کورس وچ پڑھیار تنقیدی دبستاناں دے نال نال ادبی نظریاں بارے وی پڑھن گے ۔ ایس کورس نوں پڑھن والے پڑھنہار ایس قابل ہو سکن گے کہ کسے لکھت نوں پڑھ کے اوس دا ادبی معیار مقرر کر سکن تے اپنی راء دا اظہار لکھ کے کر سکن۔