ساری دنیا دے ادب وانگوں پنجابی وچ وی ادب دا مڈھ شاعری توں بجھا تے نثر بہت بعد وچ لکھی جاون لگی۔ ایس کھیتر وچ مڈھلا ناں حضرت نوشہ گنج بخش ہورا ں دا اے جیہناں اپنے مریدا ں دی تربیت لئی وعظ لکھے جیہناں نوں مگروں "مواعظِ نوشہ" دے سرناویں ہیٹھ سانبھیا گیا۔ایس نوں پڑھیاں سہجے ای ویلے دے نال نال روپ وٹاوندی پنجابی ز بان دے نمونے لبھ جاندے نیں۔ ایہناں وعظاں توں علاوہ ایس کورس وچ مذہبی تے فقہی مسائل بارے لکھیاں گئیاں کتاباں دا مطالعہ وی شامل اے جیہناں وچ پنجاب دی سدھ پدھری لوکائی نوں دینی مسئلیاں بارے جانکاری دیون لئی فقہی مسائل نوں سادہ ڈھنگ وچ لکھن دی روایت ٹری۔ ایہناں کتاباں وچ دینی مسائل نوں جنی سادگی تے وضاحت نال بیان کیتا گیا اے اوہ پنجابی وچ نثری ادب دا بہت سوہنا نمونہ اے۔ایس توں علاوہ ایس کورس وچ قرآنِ پاک دیاں تن اہم سورتاں دا پنجابی ترجمہ وی شامل اے۔ سیرت رسولؐ وی ایس کورس دا حصہ اے جس نال پڑھیاراں نوں سیرت نگاری بارے جانکاری حاصل ہوئے گی۔
Course Material
- Total Lessons 15
- Department Urdu and Oriental Languages
- About Visit Profile
-
Teacher
Dr.Muhammad Munir
