پنجابی زبان وچ تصوف دی بھرویں ریت پاروں اک ای کورس وچ سارے صوفی شاعراں دا شامل کرنا مشکل سی ایس لئی ایہنوں تن حصیاں وچ ونڈیا گیا اے۔ایس کورس وچ پڑھیار تن شاعرشاہ حسین، بلھے شاہ تے خواجہ فرید دے کلام تے حیاتی بارے پڑھن گے۔ایس کورس دے پڑھیار ایس قابل ہو سکن گے کہ پنجابی دی کلاسیکی ریت دے مہان تے پنجابی دی نویکلی صنف کافی دے سبھ توں اگھڑویں شاعراں دے اسلوب بارے گل بات کر سکن۔ ایس کورس وچ شامل شاعراں دی پنجابی ادب وچ اپنی اپنی نویکلتا اے۔شاہ حسین نے مقامی وسوں دیاں چیزاں نوں علامتی اظہار دا ذریعہ بنایا تے ایہنا علامتاں نوں کائناتی پچھان دتی۔ بلھے شاہ ہوراں مذہب دے ناں تے جاری مولویانہ پکھنڈ نوں نکھدیا تے جی تے رب دے درمیان پیار دے سانگے دی گل کیتی۔خواجہ فرید پنجابی کلاسیکی شعر ریت دے آخری پڑاء دے شاعر نیں تے اوہناں اپنی اکھیں ایتھے انگریزاں دا آون تے پنجاب دے زرعی توں صنعتی وسیب ول پندھ نوں واچیا۔ایس کورس دے پڑھیار کافی دی صنف بارے بھرویں جانکاری حاصل کرن گے۔
Course Material
- Total Lessons 15
- Department Urdu and Oriental Languages
- About Visit Profile
-
Teacher
Dr.Muhammad Munir
