Punj;6110 پنجابی ادب دی تاریخ

PUNJ-6110 ادب دھرتی نال جڑیا ہوندا اے۔ پکی گل اے جتھے وسوں ہووے گی اوتھے زبان وی ہووے گی۔جد زبان ہووے گی تاں ادب وی ہووے گا۔پنجابی ادب بہت پرانا اے۔ جس نوں دھاڑویاں دی مار دھاڑ دی وجہ توں بہت نقصان پہنچیا۔پڑچولیاں دی محنت پاروں بہت کجھ زمانے دی کھیہہ ہیٹھوں ساہمنے آ گیا اے، جیہڑا اپنی پرانی ریت نال جڑ کے فنی تے فکری حوالے نال لشکارے پیا ماردا اے۔پنجابی ادب ، خاص کر نظم دی وسعت بہت زیادہ اے ایس لئی ایہنوں دو حصیاں وچ ونڈیا گیا اے۔ تاں جے پڑھن والیاں نوں پنجابی ادب دا جانو کرایا جا ئے۔ انیہویں صدی عیسوی تک دے پنجابی ادب اتے وحدت الوجودی صوفیاں دی چھاپ اگھڑویں اے۔انیہویں صدی دے شروع وچ وی ایہی صوفی چھائے نظر آوندے نیں۔پھیر زمانے دے بدلن نال ادب رنگ وی ہولی ہولی تبدیل ہو ون لگ پیا۔انگریزاں دے آون نال پنجابی ادب وچ ودھیری تبدیلی آئی۔لکھاریاں نے ادب دے نویں روپاں نوں من کے لکھنا شروع کیتا۔افسانہ،ناول، ڈرامہ، انشائیہ تے آزاد نظم لکھی جان لگ پئی۔ ترقی پسند ادبی تحریک دے اثر ہیٹھ دنیا وی دکھڑے ادب وچ نظر آن لگ پئے۔ایس کورس وچ پنجابی شاعراں تے نثر نگاراں دی گنتی بہتی ہوون پاروں ہر لکھاری دا تفصیلی مطالعہ کرن دی تھاویں تعارفی مطالعی کیتا جائے گا۔ جس نال پڑھنہاراں نوں پنجابی ادب دی تاریخ دے سر کڈھویں لکھاریاں بارے جانکاری ملے گی۔

Course Material

Other Courses by Naoman Raza